ప్రొ కబడ్డీ లీగ్ ఏడో సీజన్ చరమాంకానికి చేరుకుంది. టోర్నీలో మొత్తం 12 జట్లు పోటీపడుతుండగా.. ఇప్పటికే 10 వారాల మ్యాచ్లు ముగిశాయి. అయినప్పటికీ.. మూడు జట్లకి మాత్రమే ప్లేఆఫ్ బెర్తులు ఖాయమయ్యాయి. భారీ అంచనాల మధ్య టోర్నీలోకి అడుగుపెట్టిన తెలుగు టైటాన్స్, తమిళ్ తలైవాస్ జట్లు వరుస పరాజయాలతో ప్లేఆఫ్ రేసు నుంచి దాదాపు నిష్క్రమించగా.. మిగిలిన మూడు ప్లేఆఫ్ బెర్తుల కోసం ఐదు జట్లు పోటీపడుతున్నాయి. ఈ నెల 11 వరకూ లీగ్ దశ మ్యాచ్లు జరగనుండగా.. టాప్-6లో నిలిచిన జట్లు ప్లేఆఫ్కి అర్హత సాధించనున్నాయి.
| RANK | TEAMS | PLAYED | WON | LOST | TIED | POINTS |
| 1(Q) | Dabang Delhi | 20 | 15 | 3 | 2 | 82 |
| 2(Q) | Bengal Warriors | 20 | 13 | 4 | 3 | 78 |
| 3(Q) | Haryana Steelers | 19 | 12 | 6 | 1 | 65 |
| 4 | U Mumba | 19 | 10 | 8 | 1 | 59 |
| 5 | Bengaluru Bulls | 19 | 10 | 8 | 1 | 58 |
| 6 | UP Yoddha | 18 | 10 | 6 | 2 | 58 |
| 7 | Pink Panthers | 20 | 8 | 10 | 2 | 52 |
| 8 | Fortune Giants | 20 | 6 | 12 | 2 | 45 |
| 9 | Puneri Paltan | 19 | 6 | 12 | 1 | 42 |
| 10 | Patna Pirates | 19 | 6 | 12 | 1 | 40 |
| 11 | Telugu Titans | 18 | 5 | 10 | 3 | 39 |
| 12 | Tamil Thalaivas | 20 | 3 | 14 | 3 | 31 |
టోర్నీలో 20 మ్యాచ్లాడిన దబాంగ్ ఢిల్లీ 15 విజయాల్ని అందుకుని 82 పాయింట్లతో అగ్రస్థానంలో కొనసాగుతుండగా.. ఆ తర్వాత దబాంగ్ ఢిల్లీ (78), హర్యానా స్టీలర్స్ (65) టాప్-3లో నిలిచి ప్లేఆఫ్కి చేరాయి. ఇక యు ముంబా, బెంగళూరు బుల్స్, యూపీ యోధా, జైపూర్ పింక్స్ పాంథర్స్, గుజరాత్ పార్చూన్ జెయింట్స్ ప్లేఆఫ్ ఆశలు.. ఈ 10 రోజుల ప్రదర్శనపైన ఆధారపడి ఉన్నాయి. సీజన్ ఆరంభంలోనే అగ్రశ్రేణి జట్లుగా కొనసాగిన జైపూర్, యూపీ యోధా, బెంగళూరు బుల్స్ అనూహ్యంగా మధ్యలో తడబడి.. ప్లేఆఫ్ రేసులో ఇప్పుడు వెనకబడ్డాయి.
తెలుగు టైటాన్స్ జట్టు ఇప్పటి వరకూ 18 మ్యాచ్లాడగా.. ఇందులో కేవలం ఐదు మ్యాచ్ల్లో మాత్రమే గెలుపొందింది. దీంతో.. 39 పాయింట్లతో పట్టికలో 11వ స్థానంలో టైటాన్స్ నిలవగా.. మూడు మ్యాచ్ల్లో మాత్రమే గెలుపొందిన తమిళ్ తలైవాస్ 31 పాయింట్లతో 12వ స్థానంలో ఉంది. ప్రొ కబడ్డీ లీగ్లో ఎక్కువ క్రేజ్ ఉన్న రైడర్లు రాహుల్ చౌదరి (తెలుగు టైటాన్స్), సిద్ధార్థ దేశాయ్ (తెలుగు టైటాన్స్) ఈ జట్లలోనే ఉండటం కొసమెరుపు.
