విజయవాడ గవర్నర్పేటలో లిఫ్ట్ ఓ యువకుడ్ని మృత్యువు రూపంలో వెంటాడింది. లిఫ్ట్ రాకముందే డోర్ తెరుచుకొని యువకుడి పడిపోయి ప్రాణాలు పోగొట్టుకున్నాడు. బందర్ రోడ్డులో ఉన్న ఓ అపార్టుమెంట్లో ఇర్ఫాన్ అనే యువకుడి పని చేస్తున్నాడు. మంగళవారం ఉదయం అపార్ట్మెంట్ లిఫ్ట్ దగ్గరకు వెళ్లి బటన్ నొక్కాడు. వెంటనే డోర్ తెరుకోవడంతో.. లిఫ్ట్ వచ్చిందని భావించి లోపలికి వెళ్లే ప్రయత్నం చేశాడు. ఇర్ఫాన్ బటన్ నొక్కిన సమయానికి లిఫ్ట్ ఆ ఫ్లోర్కు రాలేదు. ఆ విషయాన్ని గమనించని యువకుడు.. లోపలకి వేళ్లేందుకు ముందుకు అడుగు వేశాడు. డోర్ తెరుచుకున్నా లిఫ్ట్ రాకపోవడంతో.. యువకుడు జారి కిందపడ్డాడు.. అక్కడికక్కడే ప్రాణాలు కోల్పోయాడు. స్థానికులు ఇచ్చిన సమాచారంతో.. గవర్నర్పేట పోలీసులు ఘటనాస్థలాన్ని పరిశీలించి.. కేసు నమోదు చేసి దర్యాప్తు ప్రారంభించారు. లిఫ్ట్ గ్రౌండ్ ఫ్లోర్లో ఉండగా.. ఐదో ఫ్లోర్లో డోర్ తెరుచకుంది. అది చూసుకోకపోవడంతోనే ప్రమాదం జరిగినట్లు తెలుస్తోంది. లిఫ్ట్ గ్రౌండ్ ఫ్లోర్లో ఉండగానే ఐదో ఫ్లోర్లో డోర్ ఎలా తెరుచుకుందన్నది తేలాల్సి ఉంది. సాంకేతిక కారణంతో ప్రమాదం జరిగిందా.. ఇంకేమైనా కారణాలు ఉన్నాయా అన్న కోణంలోనే పోలీసులు కూడా దర్యాప్తు చేస్తున్నారు. సీసీ ఫుటేజ్ను కూడా పరిశీలిస్తున్నారు.
