సూపర్ స్టార్ మహేష్ బాబు ఫ్యామిలీ నుంచి మరో హీరో తెరంగేట్రానికి రెడీ అవుతున్నాడు. మహేష్ మేనల్లుడు, గుంటూరు ఎంపీ గల్లా జయదేవ్ కుమారుడు అశోక్ గల్లా హీరోగా పరిచయం అవుతున్నాడు. అశోక్ తొలి చిత్రం ఆదివారం లాంచనంగా ప్రారంభం కానుంది. ఇప్పటికే ఈ సినిమాకు సంబంధించిన అధికారిక ప్రకటన కూడా వెలువడింది.
తాజాగా ఈ సినిమాలో అశోక్కు జోడిగా నటించినబోయే హీరోయిన్ను ఫైనల్ చేశారు. సవ్యసాచి సినిమాతో టాలీవుడ్కు పరిచయం అయిన అందాల భామ నిధి అగర్వాల్ హీరోయిన్గా నటించనుంది. ఇటీవల ఇస్మార్ట్ శంకర్ సినిమాతో సూపర్ హిట్ తన ఖాతాలో వేసుకున్న నిధి అగర్వాల్ ఇప్పుడు అశోక్ గల్లా సినిమా నటించనుండటంతో ఆ మూవీపై ఆసక్తి నెలకొంది. ఈ సినిమా కోసం నిధి అగర్వాల్కు ఏకంగా 1.25 కోట్ల రెమ్యూనరేషన్ ఇస్తున్నారు. ప్రస్తుతం నిధికి ఉన్న క్రేజ్ను దృష్టిలో పెట్టుకొని ఇంత భారీ రెమ్యూనరేషన్ ఇచ్చేందుకు రెడీ అయ్యారు. అమర్రాజా మీడియా అండ్ ఎంటర్టైన్మెంట్ బ్యానర్పై శ్రీరామ్ ఆదిత్య దర్శకత్వంలో పద్మావతి గల్లా ఈ చిత్రాన్ని నిర్మిస్తున్నారు. భలే మంచి రోజు, శమంతకమణి, దేవదాస్ లాంటి సినిమాలతో విభిన్న చిత్రాల దర్శకుడిగా పేరు తెచ్చుకున్న శ్రీరామ్ ఆదిత్య ఈ సినిమాను కూడా తనదైన స్టైల్లో తెరకెక్కిస్తున్నాడు. ఈ సినిమాలో నరేష్, సత్య, అర్చనా సౌందర్యలు ఇతర కీలక పాత్రల్లో నటిస్తున్నారు. జిబ్రాన్ సంగీతమందిస్తున్న ఈసినిమాకు రిచర్డ్ ప్రసాద్ సినిమాటోగ్రఫి అందిస్తున్నారు.
