బాల్ టాంపరింగ్కి పాల్పడిన క్రికెటర్లపై నిషేధం పడుతున్నా.. ఆటగాళ్లు మాత్రం మ్యాచ్ గెలిచేందుకు అడ్డదారులు తొక్కుతూనే ఉన్నారు. గత ఏడాది దక్షిణాఫ్రికాపై టెస్టు సిరీస్లో బాల్ టాంపరింగ్కి పాల్పడిన ఆస్ట్రేలియా అగ్రశ్రేణి క్రికెటర్లు స్టీవ్స్మిత్, డేవిడ్ వార్నర్పై ఏడాది నిషేధం వేటు పడగా.. బౌలర్ కామెరూన్ బెన్క్రాప్ట్ 9 నెలుల క్రికెట్కి దూరమవ్వాల్సి వచ్చింది. ఆ శిక్షల్ని చూసినప్పటికీ.. కొందరు క్రికెటర్లు సాహసోపేతంగా మళ్లీ బాల్ టాంపరింగ్కి ప్రయత్నిస్తున్నారు.
అఫ్గానిస్థాన్తో భారత్లోని లక్నో వేదికగా జరుగుతున్న వన్డే సిరీస్లో వెస్టిండీస్ హిట్టర్ నికోలస్ పూరన్ బాల్ టాంపరింగ్కి పాల్పడుతూ అడ్డంగా దొరికిపోయాడు. సోమవారం ఆసక్తికరంగా జరిగిన మూడో వన్డే మ్యాచ్లో తొలుత బ్యాటింగ్ చేసిన అఫ్గానిస్థాన్ టీమ్ నిర్ణీత 50 ఓవర్లలో 7 వికెట్ల నష్టానికి 249 పరుగులు చేసింది. ఆ జట్టులో ఓపెనర్ హజ్రతుల్లా (50: 59 బంతుల్లో 7×4, 2×6), అస్గర్ అఫ్గాన్ (86: 85 బంతుల్లో 3×4, 6×6), మహ్మద్ నబీ (50 నాటౌట్: 66 బంతుల్లో 3×4, 1×6) హాఫ్ సెంచరీలతో సత్తాచాటారు. అనంతరం లక్ష్యాన్ని వెస్టిండీస్ జట్టు షైహోప్ (109 నాటౌట్: 145 బంతుల్లో 8×4, 3×6) సెంచరీ బాదడంతో 48.4 ఓవర్లలోనే 253/5తో ఛేదించేసింది.
