బంగ్లాదేశ్తో ఆదివారం ముగిసిన మూడు టీ20ల సిరీస్లో అరుదైన రికార్డ్లను బ్రేక్ చేసిన భారత ఓపెనర్ రోహిత్ శర్మ.. ఓ చెత్త రికార్డ్ని కూడా నమోదు చేశాడు. నాగ్పూర్ వేదికగా జరిగిన ఆఖరి టీ20 మ్యాచ్లో ఇన్నింగ్స్ రెండో ఓవర్ వేసిన ఫాస్ట్ బౌలర్ సైపుల్ ఇస్లామ్ బౌలింగ్లో బంతిని ప్లిక్ చేయబోయిన రోహిత్ శర్మ బౌల్డయ్యాడు. ఆఫ్ స్టంప్కి వెలుపలగా పడిన బంతి రోహిత్ శర్మ బ్యాట్ ఎడ్జ్ని తాకి అనంతరం లెగ్ స్టంప్ని ఎగరగొట్టింది. ఈ మ్యాచ్లో భారత్ జట్టు 30 పరుగుల తేడాతో గెలిచిన విషయం తెలిసిందే.
బంగ్లాదేశ్పై ఆఖరి టీ20లో బౌల్డవడం ద్వారా భారత్ తరఫున టీ20ల్లో ఎక్కువసార్లు బౌల్డయిన బ్యాట్స్మెన్గా రోహిత్ శర్మ చెత్త రికార్డ్ నెలకొల్పాడు. ఇప్పటి వరకూ 101 అంతర్జాతీయ టీ20లు ఆడిన రోహిత్ శర్మ.. ఏకంగా 14 సార్లు బౌల్డయ్యాడు. ఈ రికార్డ్లో రోహిత్ తర్వాత స్థానంలో మహేంద్రసింగ్ ధోని (13 బౌల్డ్), శిఖర్ ధావన్ (11), సురేశ్ రైనా (11), విరాట్ కోహ్లి (6) టాప్-5లో కొనసాగుతున్నారు. అంతర్జాతీయ టీ20ల్లో అత్యధిక పరుగులు చేసిన బ్యాట్స్మెన్గా ప్రస్తుతం రోహిత్ శర్మ 2,539 రన్స్తో కొనసాగుతున్న విషయం తెలిసిందే.
